 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Навобмацак да праўды ідучы,
Блукаю я сярод праклятых соснаў.
Сьвятлом зіхоткім вабіць далячынь,
Зьвіняць цудоўна залатыя росы,
Гладзь возера празрыстая, як шкло,
Пшанічныя бурштынавыя хвалі...
А дзе спакой? Напэўна ўсё было,
Дык што мы прапусьцілі, што праспалі?
Нашто я зразумеў, што ўсё падман?
Далёка дзесьці ходзіць лэдзі-ўдача –
Вакол хлусьні вялікі акіян:
І плыняў шмат, і берагоў не ўбачыць.
Ніхто не можа мне дапамагчы,
Але сьвітанак хутка прыйдзе босы,
І зноў сьвятлом завабіць далячынь
І зазьвіняць вясёлай песьняй росы...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
